زاوية حلوة بس نفهمها
بقلم : هتاف القحطاني
,,,
سلخــير
ع النـــاس اللي مخلين الاجواء روقان والحياه حلوهـ
,,,
أمــس وأنــا جالسه أتنقل مـثل الفراشـه بكل رقه في صفحات الاصدقاء
امممممم
في الحقيقه زي الوطواط لاني كنت اوطوط فيهـا في تــالي الليول
لفت نظري موضوع في اكثر من صفحه
والاغربــ إن الاعضاء جدا متفاعلين
وهـو العودهـ لطفوله
والكل يتمنى ذلك
والاسباب حقتهم انه ما كان فيه هم ولا حزن ولا جروح ولا قسوه بشر ولا ظلم
ولا ... ولالا... ولا,,,
وأنـا أقول من قال كل هـذا مـافيه
كـان فيه بــس نسينــا ذبلت الاحاسيس اللي كانت تحمل الالم والحزن وغيرهـ
,,,
أنـا مـا أتمنى ارجـع لايام الطفوله
وإّذا قلت كذا كثير يستغربون
,,,
1
وحنا صغار ماكنا احرار انفسنا
ينومونـا وقت مايحبون ويصحونا وقت مايحبون
الحين كـل شي تمــام
,,,
2
وحنا صغار كنــا يانلعب لعبة ماتعجبنـا يا نتزاعل
الحين كبرنـا وعرفنا نحترم رغبات الاخرين
,,,
3
وحنا صغار كانت اسنانا فيها سوس او متعرفطه ومسويه زحمه
الحين إبتسامه هوليوود
,,,
4
وحنا صغار شنطه ومطاره وشنطة وجبه وشنطة فنيه
وياقلب لا تحزن وياظهر لا تنعفط
الحــين شنطـهـ شيك وجواتهــا جوال ودفتر صغيروقلم دلع و بوك ونظارهـ
وفيها اسرار
,,,
5
وحنا صغارنطلع نلعب بـ السيكل في الشارع ونفتن اولاد الحارهـ
الحين كبرنا وتسترنا وماصرنا نفتن أبناء الوطن
,,,
6
وحنا صغار كــان فيه مقصف
وتجهز ريــالك من الحصه الاولى عشان تنطلق ركض اول ماتسمع الجرس
ولا تحوس في الزحمـات بـس توصل الفتحه وتعطيهم الريال ولالالالاك راجـــــــــــع للأخير
بدون ريال ولا أبــه ولا انت سلمت من الزحمه
الحين كفتريا وناس رايقه وحركات
,,,
7
,,,وحنا صغارنظارتنا الشمسيه هذيك اللي تجي لعبه مع شنطه وروج
الحين نظارتنــا من بولقري ومـن ديور ,,
,,,
8
وحنا صغار كنـا انا واختي كل شي طقم
الحين كل وحده وشخصيتهـا ونتبادل الاغراض
,,,
9
وحنا صغار
يقولون اكبر همي لعبتـي
طيبـ هـ اللعبه يامــا إستنزفنـا مشاعرنـا صياح عليها
,,
كان عندي انا واختي اللي أصغر مني بسنه وكم شهر
عرايس ,, اختي الحبيبه قصت شعر عروستهـا وجلست تنتظره يطول
ومــاطـال
راحت وخذت عروستي وعروستهــا ورمتهـا ع الجيران
مدري وشـ تحس فيه
قلت لها ليه قالت خلاص بنشتري جديده
وتعالوا شوفوا الونــــــــانه اللي شغلتهـا صحت صياح لين نمت
ماجاب لي الهم غير هـ اللعبه ,,,
الحين محد ياخذ اغراضي ويرميها ع الجيران
,,,
10
يقولون مافيهـا ناس اشرار
كنت وانا صغيرهـ مشهوره بتجميع صور ريكو وسنتوب
وعندي دفتر عشان اشارك في المسابقه
كان فيه بنت معلمه دايم يحطونها عريفه جت وقالت عطيني صوره سنتوب
طبعا ماعندي القوه اقول لهـا لا
دبستها في راس امي
قلت امي تقول لا تعطين احد صوره سنتوب رقم 12 محدده الرقم ماشاء الله علي
راحت قالت طييييييييييييب
وكتبت اسمي اني مشاغبه وكتبت جنبه مكرر
ياانـــــي كنت اشوفهــــــــا شريره اشرر شي
يعني فيه اطفال اشرار وحركاتهم نص كم ويستقون عشانهم بنات ابلات
,,,
11
وحنا صغار مـانقدر نكون كبار
بس وحنا كبار نقدر نسوي حركات صغار
,,,
12
واحنا صغار ماكنا نقدر تغيب دايم
الحين على الكيف تروح للجامعه تغيب عندك ايام بريك كل شي على كيفك
...
13
وحنــا صغــار كنــا ماندري وشـ السالفه
الحين صرنـا أبطال السالفه
,,,
14
وحنا صغار ماكنا ندري إن كيدنـا عظيم
وانا صغيرهـ كنت اااااااه بــس ملعوب علي
كنت انا واختي ضحايا أخواني التوأم
كـانوا بـ الغصب يركبونــا العربيه ويدفونــا بــ أسرع شي في الحياة
ويزاعلونـا لو صحنــا
كـانوا يلعبون علينــا يخلونــا مثل المدربين على قولتهم بــس مدربين غير شكل
كل وحده تمسك سيكل المتدرب حقهـا وتنظفه وتغسله
وتلمـع (النسافه)حقته وتصفق له إذا جلس يستعرض بـ الحركات البهلوانيه
:(
كبرنا وصرنا مـا ننغصب على شــي كله بكيفنا
واخواني يدفوني بسيارتهم وهم يصيحون وانا اضحك
^_^
,,,
15
يقولون مــافيه ذئاب بشريه
وانا صغيرهـ كان ولد الجيران لاقـيني
اوريه بــس الحرامي
كــان يلعب علي ويدس السم في العسل
وانا نايمه في البصل
كـانت امي إذا مـا عندي سنتوب وريكو تعطيني ثلاثه ريال
وتحدد وشـ اشتري بعد
وكـنـت اشتري بريال وابقي ريالين
عشان إذا رجعت يشتري لي ولد الجيران أيس كريم
كان ينتظرني عند الباب اول ماينزلني الباص وكان يقول مارحت اشتري لين تجين
وكنت كأي فتاه سعوديه مسوين فيها اخوانها التوام الهوايل اخــق اخقق شي
كنت احس بإحساس يدغدغ وياخذ رياليني ويشتري لنـا
ولا هو اصلا لان مــا معه فلوس ماقدر يشتري
الحين كبرتـ ومحد يقدر يسرق رياليني
ولا يقدر يدس السم في العسل
,,,,
16
وحنا صغــار كنــا نقول اللي في قلوبنــا بدون مـا نفكر في مشاعر الاخرين
الحين نفكر في مشاعرهم قبل لا نقول اللي بقلوبنــا
,,
17
وحنا صغار متعودين علينـا نصيح
كبرنـا وصاروا يدارون دمعتنــا
,,
18
تتمنون ترجعون صغار نفس الوقت نفس الزمن نفس كل شي؟
تتمنون ترجعون صغار نفس الوقت نفس الزمن نفس كل شي؟
,,,
لتذكير:
وانتم صغار ماعندكم صديقه اسمها هتوفه
ليست هناك تعليقات:
إرسال تعليق